La Esnoga de Bahrein es una esnoga ke se topa en la avenida Sasa'ah de la sivdad de Manama, en la isola de Bahrein.
La esnoga no se topa en uzo desde la anyada de 1948 [1] i la majorita de la komunita izo la su aliya. Oy en diya, la komunita es de unas 35 personas i munchas vezes no alkansan a azer minyán. La komunita propozó trokar la frágua en una para otro uzo de la komunita en jeneral, komo sedaká al payis, ma el governo no desho azer esto. El governo disho ke la frágua kale kontinuar komo esnoga.[2]
Enel anyo 2006 dempues ke el techo de la esnoga empiesó a kayer, Abraham David Nonoo, el shef de la komunita djudia de Bahrein i myembro de la Shura de Bahrein, dechidió restorar la esnoga kon las sus propias parás [3] anke el prinsipe Sheikh Salman bin Hamad Al Khalifa disho ke iva dar las parás para fraguas una mueva esnoga en el mismo lugar de la antika.
© MMXXIII Rich X Search. We shall prevail. All rights reserved. Rich X Search